حمو بيكا يوجه رسالة مؤثرة لطلاب الثانوية العامة والجامعات

عبر حسابه الشخصي علي موقع التواصل الإجتماعى الفيس بوك وجه مطرب المهرجانات حمو بيكا رسالة مؤثرة للطلبة تحدث فيها عن معاناته المستمرة جراء عدم التحاقه بالتعليم، بيكا حث الطلبه في رسالته علي مواصلة الدراسة والانتظام في التعليم مشيرا الي ان النجاح يسير بالتوازي مع التعليم، كتب بيكا:

" رسالة لطلاب الثانوية العامة و الكليات " ..

هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح ) ، صدقوني و الله طعم النجاح مع العلم مختلف تماماً عن طعم النجاح من غير علم ،
العلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة ،
هو اه الشارع علمني كتير ، بس مش زي المدارس و الجامعات ، حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس ..
اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده ..

" انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم " .. ♥️
حمو بيكا / Hamo Bika

الرسالة نالت الكثير من إعجاب متابعين بيكا الذين تعاطفوا مع رسالته ومعاناته .