مرتضي منصور: إحنا نادي غني .. والأهلي يعاني من إجهاد كبير

خلال حديثه ببرنامج "ملعب البلدوزر" الذي يقدمه مجدي عبد الغني بقناة "الشمس" قال المستشار مرتضى منصور، رئيس نادي الزمالك: "الأهلي يعاني من إجهاد كبير وأيضًا الزمالك والإسماعيلي لأننا نلعب موسمين بشكل متلاحق، وعندما قلتُ ذلك تعرضتُ للهجوم".

وتابع : "هل هذا عمرو السولية أو هذا هو مستوى أحمد عبد القادر نجوم الأهلي، هناك إجهاد واضح على اللاعبين".

ولفت مرتضى منصور: "العدل أساس الملك وأنا ناجح علشان بعدل، واستلمت فريق الزمالك حوالي 3 فرق؛ كل واحد معاه فرقته علشان مفيش عدل، والفيلم اللى حسين لبيب عمله بأنه يودي اللعيب لممدوح عباس، ولما رجعت جعلت العدل هو الأساس".

وتابع: "الحب هو المسيطر دلوقتي على فريق نادي الزمالك وده سبب الانتصارات بعدما طبقت العدل والمساواة، والأهلي كان ممكن يفرق عننا 8 نقاط، دلوقتي احنا اللى بنفرق عنه.

أشار: “إحنا نادي غني، عندنا ربع مليار جنيه في الخزينة ولسه فيه فلوس جاية ولنا 80 مليون جنيه من الرعاية لسه مجوش، وكل ماتش بنحفز اللعيبة”. ولفت: "مكافآت لاعبي الزمالك متدرجة في كل ماتش، وبنعطي كل لاعب 15 ألف جنيه وبعدين 30 ألفا واللى بعده 45 ألف جنيه، والزيادة مستمرة من أجل تحفيزهم للفوز ببطولة الدوري".

وحقق الفريق الأول بنادي الزمالك فوزًا غاليًا على غزل المحلة بهدفين دون رد في المباراة التي أقيمت بينهما على ملعب الأخير، في إطار مباريات الجولة الخامسة والعشرين لبطولة الدوري الممتاز.