محمد سامي: عفاف شعيب كلامها كله كذب.. وأبقى قليل أدب لو تجاوزت مع ست كبيرة

خلال الجزء الثاني من لقائه ببرنامج "أسرار" الذي تقدمه أميرة بدر بقناة "النهار": " رد المخرج محمد سامي، على اتهامات الفنانة عفاف شعيب له بسبب تعنته معها خلال تصوير أحد مشاهد مسلسل "آدم" الذي تسبب في مشكلة صحية بظهرها.

قصة عفاف شعيب

وقال محمد سامي: "عفاف شعيب ست كبيرة، وأبقى راجل قليل الأدب لو تجاوزت مع ست كبيرة، بس هي اتكلمت عليَّ كله كذب وما حصلش، والخلاف اللي بيني وبينها مش مسلسل آدم، مرة كان فيه مسلسل اسمه دوران شبرا بيتعمل في نفس الوقت مع مسلسل آدم، وقالت لي ممكن أطلب منك طلب أخويا عيان وفيه دكتور في دبي هيبص عليه ومسافرة بكرة وواخدة الميعاد، وطلبت مني الطلب ده وهي في الديكور ولو سافرت احنا هنقف، فكلمت المخرج المنفذ وقلت له هنأجل تصوير علشانها، فالمخرج المنفذ قال لي أنا هعرف أشغلك بكرة من غيرها وكنت بصور من إستوديو مصر".

خدعة عفاف شعيب

وأضاف محمد سامي: "أنا بصور في إستوديو مصر، لقيت صديق اسمه تامر جوزيف وبنتكلم في التليفون مع بعض، قال لي طيب عدي عليَّ أنا بصور مشهد أهو بعفاف شعيب، وهبقى قاعد فاضي بعد لما صور المشهد معاها، فكلمت محمود شميس ويشهد على دا، وكان المنتج بتاع المسلسل، وقلت له ينفع مدام عفاف شعيب تقول لي إنها مسافرة وتبوظ جدول التصوير لازم تجيب لنا حقنا، وهو تدخل وشد معاها شدة جامدة لأن تصرفها ما كانش صح، ومن ساعتها وهي ما بتحبنيش، وقصة مشهد البوكس اللي حكته ما حصلش ولا ضهرها طقطق ولا راحت المستشفى، وبعدها صورت 4 مشاهد في نفس اليوم، وتاني يوم 7 مشاهد، وتالت يوم 10 مشاهد، وأنا مش عايز أكدِّب ست كبيرة".

و