بالفيديو .. اسامة البدري اخصائي التغذية الرياضية الدقيقة يكتب عن المفاتيح السبعة لتغيير الجسم وحرق الدهون

يعاني الكثيرون من السمنة ومضاعفتها وقد يلجأ البعض منهم للقيام بعمليات جراحية خطيرة قد تسبب بالوفاة لا قدر الله، أو يلجأ البعض منهم للإستعانة بأدوية مجهولة المصدر قد تؤدي إلي نفس النتيجة .

وفيما يعتبر إضافة لموقع وعد 2020 تواجد أخصائي التغذية الرياضية الدقيقة "أسامة البدري" الذي يساهم بمعلومات قيمة للقارئ العزيز بأسلوب سلس يستطيع أن يفهمه الجميع .

المفاتيح السبعة لتغيير الجسم وحرق الدهون

*المفتاح الاول : "اختار الدايت الصحيح" الدايت الصحيح لازم يكون متحدد كويس هل هيكون رجيم سعرات وهناكل كل الاصناف والمجموعات الغذائية ولا رجيم كيميائي متخصص له اسم محدد ( زي الكيتو، الصيام ، الللو كارب ، الكارنيفور ..ألخ ) . وايضاً حدد هتمشي بنفسك ولا هتتابع مع اخصائي لو بنفسك يبقى تعرف المعلومات وتدرس وتحسب كويس . لو مع اخصائي هتختار الاخصائي وتدور على اخصائي مناسب لاهدافك ..الخ .

*المفتاح الثاني: "التخطيط الواقعي" الأهداف الواقعية في الدايت هيا الي هتحدد اذا كنا هنوصل لنتيجة فعلاً ولا هيكون تضييع وقت على الفاضي وهل الدايت الي هتمشي عليه هيكون نزول سريع ولا بطيء وبعد مننزل لوزننا المثالي لو كان الدايت سريع يبقى لازم التثبيت بعد الدايت يكون طويل شوية لو هتنزل بسرعة يبقى لازم تثبت لفترة طويلة مينفعش تنزل بسرعة وتثبت يومين تلاتة ولا اسبوعين تلاتة ، هترجع ترتد في الوزن تاني لازم تعرف وزنك اد ايه وزايد اد ايه ونسبة الدهون اد ايه وتعرف معدلات النزول الخاصة بكل دايت وتعرف فترات ثبات الوزن وفترات تغير الجسم ..الخ ، طبيعة الجسم بيحرق من نصف كيلو إلى 1 كجم كامل خلال اسبوع يعني من اتنين الى اربعة كجم في الشهر.

*المفتاح الثالث: "الحركة المعتدلة" لما نكون عاملين حساب سعرات دقيق، وعاملين عجز في السعرات فأي نشاط اضافي معتدل هيخلي استهلاك السعرات اكتر وبالتالي هيعمل عجز اكتر في السعرات وبالتالي هنخس اسرع وهنحرق دهون اكثر بس لازم لازم منعملش تمارين عنيفة مجهدة علشان جسمنا هيحتاج جلوكوز اكتر والجلوكوز مصدره الطعام اليوميي ودا هيخلينا نجوع وجسمنا يطلب مصادر طاقة سريعة الي هيا الاكل الخارجي من بره ومش هيتغذى على الدهون الدهون ، لان الدهون الداخلية بتتحرق لما يكون النشاط الرياضي متوسط مش عالي ومتعب .

*المفتاح الرابع: "متعوضش مجهود التمرين بالأكل" المفتاح الرابع ليه علاقة بالثالث الي قبله وهو انك لما تتمرن متتمرنش تمارين مرهقة وصعبة وكتيرة ولو اتمرنت كارديو يبقى من غير نهجان ورفع نبضات القلب، تمارين الهت بترفع الشهية ، ولما تروح البيت بعد التمرين متعوضش مجهود التمرين بالأكل متقولش علشان اتمرنت كتير النهاردة فانا هاكل براحتي والاكل دا هيتحرق بسبب التمرين دا غلط وهيبوظ حساب السعرات اليومي بتاعك . نقطة كمان في المفتاح الرابع دا ، خلي كل اغلب الكارب اليومي يكون بعد التمرين خلص التمرين وروح كل الوجبة الي فيها اغلب نسبة الكارب اليومي علشان يتم استخدام الكارب في تعويض التعب والعضلات لاي تعبت في التمرين .

*المفتاح الخامس: "افهم عملية تغيير الجسم صح لا تتوقع نتائج كبيرة من مجرد تغييرات صغيرة" تغيير الجسم مش خطوات صغيرة ، سريعة تؤدي لنتائج كبيرة وتغيير جذري في الجسم وشكله انما بالعكس ، انتا بتعمل خطوات بسيطة وطويلة المدى ومتكررة وتثبت عليها فترة طويلة وبعدها يحصلك تغيير في الجسم وتشوف التغيير الي انتا عاوزه على جسمك.

*المفتاح السادس: "افهم الفرق بين السعرات والكميات والاصناف" السعرات والكميات والاصناف لما تعمل دايت وتكون عامل عجز في السعرات الحرارية هتلاقي، اصناف كميتها قليلة ولكن سعراتها قليلة ممكن تلخبطلك حساب السعرات اليومي هتلاقي اصناف تانية خارج السيستم لو نظام كيميائي ,،لو ماشي كيتو مثلاً فيه اصناف تخرج تماما ً من حالة الكيتوسس ويبدأ الجسم يستخدم الجلوكوز من الاكل بدل الكيتونات من الدهون المتخزنة. وترجع من تاني تحتاج عملية رفع حرق ودخول في الكيتوسس من اول وجدديد علشان يرجع جسمنا يحرق الدهون مرة تانية *المفتاح السابع: اعرف الفرق بين الاكل الصحي والاكل الحارق للدهون.

* المفتاح السابع دا ليه علاقة بالسادس الي قبله شوية فيه اصناف صحية ولكن في مرحلة التخسيس وحرق الدهون والدايت متنفعش على سبيل المثال زيت الزيتون صحي لكن سعراته كثيرة ، العصائر صحية لكن بتخدل الجسم بعملية امتصاص مش هضم وسعراتها كتيرةوالتاثير الحراري للعصائر مش موجود يعني كلها بتدخل سعرات في الجسم مش بيتحرق منها اي كمية ، فمش بنحرق سعرات واحنا بنهضمها لما نكون في وزننا المثالي ونخلص مرحلة النزول وقتها نقدر ناكل اي اكل صحي مهما كانت سعراته طالما في الاحتياج اليومي، لكن واحنا بنخس محتاجين اي كمية اكل يكون فيها السعرات اقل .