عبير صبري تكشف رأيها في إلقاء محمد رمضان الدولارات بحمام السباحة

كشفت الفنانة عبير صبري عن رأيها في إلقاء الفنان محمد رمضان الدولارات في الأرض وحمام السباحة وتصرفاته بعيدًا عن التمثيل، وقالت عبير صبري خلال لقائها ببرنامج "مصر جديدة" الذي تقدمه إنجي أنور بقناة "إي تي سي": "خلال كواليس مسلسل "موسى" لقيت محمد رمضان شخصية محترمة جدًّا وملتزمة ومنضبطة في التصوير ومحبة للناس اللي حواليها وصبور وبيتعامل بلطف شديد".

وأضافت: "أي إنسان ممكن يعمل حاجة مخالفة لأفكار غيره قد يثير الجدل وليس محمد رمضان فقط، والطبيعي إننا نكون مختلفين".

وأشارت: "مفيش مشكلة إن محمد رمضان يثير الجدل، وإلقاؤه الدولارات في حمام السباحة مشاهد من فيديو كليب ومش حقيقية ودي فلوس ورق ودي مش مشكلة، وربنا يزيد الناس كلها".

وأختتمت: "ما ينفعش الناس تعد على بعض كل حاجة، وفي الآخر كل واحد حر في تصرفاته والنجوم العالميين بيعملوا زي محمد رمضان، وأنا السوشيال ميديا بالنسبة لي ساحة حرب مش حقيقية".