شيرين عبد الوهاب تكشف وصلات التعذيب فى خناقتها الزوجية

كشفت الفنانة شريين عبد الوهاب حقائق صادمة عن حياتها مع طليقها حسام حبيب، قائلة: مارس معي كل أشكال الابتزاز مش عازوني أعمل أي حاجة في حياتي غير أبقى قاعدة قدامه بس.

وأضافت، خلال مداخلة هاتفية: لو رحت عملت حفلة أو فرح ناجح ينكد عليا ويقولي كنتي ماكسة الراجل كده ليه والواد بيعمل معاكي كده ليه؟ أققله ده قد ابني ولو عملت إعلان ناجح زي إعلان بنك مصر، وأبقى تريند والناس مبسوطة بيا لازم هو ينكد عليا، ويبوظ اليوم.

وتابعت: تم طلاقنا بعد حلق رأسي وكانت طلاق بائن، وبعد أن هدأت من الكارثة، شعرت أني لا أستطيع الاستغناء عنه ولازم أديله فرصة تانية وأن مينفعش نبعد عن بعض بفجر في الخصومة، وكنت مؤمنة أن العلاقة مقدسة، وكنت بحبه وفاكراه ابني مش جوزي، وعملتله استوديو لشغلنا، وقمت بشراء كل الأغاني التي أعجبته بشيكات باسمي عشان متروحش منه.
وكشفت تعرضها للتنمر من حسام حبيب قائلة: بعد ماعمل كل ده الاقيه بيتهمني ويتنمر عليا ويقلي تخنتي وبقيتي شبه امك وأنا عاوز واحدة أتباهى بيها قدام الناس تبقى حلوة ورفيعة وكلام من ده بخلاف الخناقات التي تعرضت فيها للضرب والسحل على الارض وشتيمة عمر مافي إنسانه تقلبها على نفسها "
واصلت: لما تم طلاقي رجعتله وأدي فرصة أخرى بشروط وأن يكون هناك مختلف عن بيت الزوجية وأن لايتعرض البنات لحالة نفسية سيئة وكان بيتردد على بيتي عشان فيه أستوديو تحت البيت وقتها وبينا شغل وحاولت أهيأ البنات أنه لازال موجود لحد ماتلاشت الوعود مجددًا ورجعت المشاكل وقلة الادب ترجع بلا سبب "
إستطردت: أنا عندي مشكلة أني لما بتعصب بوصل لليفل صعب ممكن أذي نفسي ودكتوري إسمه محمود مرسي ممكن تكلموه تسألوه ونصحه بتركي لفترة حتى ولو ربع ساعة أو أني أدخل اوضتي شوية لحد مااأهدى لكن هو أصر في كل خناقة يفضل قدامي يحرق في دمي وأعصابي لحد ماأمسك الماكينة واحلق شعري "
وردًا على سؤال الاعلامية لميس الحديدي كان عايز يوصل لايه في الاخر قالت: أنا كنت فوق ولازلت وهو كان تحت ولما ماعرفش يطلعلي فوق حاول ينزلني تحت... وده تحليلي لكل الي حصل "
أتمت: اسفة على الي عملته في نفسي وبناتي وجمهوري الي كان مقتنع أني مش على مايرام وكنت بطلع أققول كلام غير الحقيقة "
وكشفت أنها إتجهت للغناء يوم أن كانت حليقة الرأس حتى لايصاب بناتها بعقدة قائلة: طلعت غنيت عشان بناتي مايتعقدوش لاني كنت قرعة "