باشوات مصر .. غرائب الساحل الشمالي عرض مستمر

أثارت صورة فاتورة إحدى المطاعم بمنطقة الساحل الشمالي اهتماما وجدلا بين متابعي مواقع التواصل الاجتماعي بسبب ارتفاع أسعارها بشكل مبالغ مقارنة بالأسعار المعتادة في المجتمع المصري.

وشملت صورة الفاتورة المتداولة من الساحل الشمالي وصول سعر طبق الفول العادي إلى 50 جنيها، والحار إلى 60 جنيها، بينما كان سعر 3 أطباق باذنجان 160 جنيها، و 10 أرغفة بـ 30 جنيها، لتبلغ تكلفة تكلفة فاتورة الإفطار كاملة أكثر من 1200 جنيه.

وعلق أحد المستخدمين على فاتورة مطعم الساحل، قائلا: «اللي بيقول عادي، 6 قرص طعمية بـ 150 جنيه، يعني القرص الواحد بـ 25 جنيه غير الضربية، معمولة من إيه !.»، وأضافت أخرى: «أرخص حاجة طبق المخلل بـ 24 جنيه بس، يا بلاش».

وتابع مستخدم ثالث: «فول وفلافل بـ 1200 جنيه، المفروض مصلحة الضرائب تروح تتأكد بقي من مطعم الساحل الشمالي ده تشوف الأسعار دي هي اللي بيتحسب عليها الضرائب ولا فيه أسعار كده واسعار كده».

ويعتبر الفول والطعمية أكلة شعبية متوافرة في جميع المنازل أو المطاعم والعربات، ويتناولها الكثير من الناس بشكل يومي في وجبة الإفطار لتمدهم بالنشاط طوال اليوم، إضافة إلى أن سعرها يعد غير مكلفا بالنسبة لغيرهم من الأطعمة.