نبوية أنوش: لبست شفاف واتكلمت بدلع.. المشاهدات زادت وكسبت فلوس
![نبوية أنوش](https://www.w3d2020.com/img/23/03/07/5474_W.jpg)
![](https://www.w3d2020.com/ix/GfX/logo.png)
مفاجأت التحقيقات في قضية أنوش، بعد القبض عليها بتهمة الفسق والفجور، وإبراز مفاتنها مصحوبة بعبارات وتلميحات وإيحاءات جنسية قاصدة الإغراء.
نبوية صاحبة قناة يوميات أنوش
استدعت جهات التحقيق نبوية أنوش وجاءت أقوالها كالآتي: أنا اخترت اليوميات وأسرار مطبخ بس كان عندي تحفظ على اليوميات، لأن الستات فيها كانت بتطلع بشكل شبه عريانة، فأنا قولت اشتغل في اليوميات بحرص لأنها بتجيب مشاهدات أكثر من قنوات الطبخ، وأكون واخدة بالي من لبسي وما أبينش أجزاء من جسمي، فأنشأت 3 صفحات على اليوتيوب، وأول صفحة اسمها عالم نشوى، وأنا اللي قمت بإدارتها في شهر 11 لسنة 2021، وأنا كنت فيها بطبخ أكلات عادية، وأنشأت الصفحة ديه عشان أزود دخلي لأني قاعدة في البيت وكنت عايزة حاجة تشغلني بعد وفاة بنتي.
وتابعت المتهمة نبوية أنوش: قفلت الصفحة ولغتها خالص وقعدت أتابع الستات بتاعة اليوميات، وقفلتها بعديها بحوالي 3 شهور لما لقيت نفسي مبكسبش فلوس وبعد ما تابعتهم لقيتهم بيعملوا روتين قبيح وجنسي، ولقيتهم بيلبسوا لبس شفاف وخارج، وبيتكلموا بمياصة أكتر من اللازم، ويقعدوا يقولوا خش في الانتساب عشان تشوف اللي مشفتوش عند حد، والانتساب ده عبارة عن أن شخص يكون عنده صفحة فيها أكثر من خمسين ألف مشترك، ومن خلال نسب الاشتراك في الصفحة بتتفعل ميزة الانتساب من إدارة اليوتيوب والناس تقدر تخش في حالة إعلان عن وجود غرفة مغلقة، وهي إني أحط صورة تكون ملفتة فالناس تخش مقابل إنها تدفع فلوس عشان تشوف الفيديو اللي محدش هيشوفه غيرهم.
وأضافت أنوش في اعترافاتها: الربح اللي كان بيجيلي من خلال الانتساب كانت بتبقى فلوس بتتدفع لإدارة اليوتيوب وبياخد منها 60% و40٪ من اللي متفعله خاصية الانتساب، بعدها أنا قررت أعمل صفحة أسميها يوميات أنوش، وأنا اللي اشتريت الصفحة دي، من واحد اسمه أيمن.م، لأن هو عنده قنوات تعليمية وشروحات وبينشأ صفحات، وأنا اشترتها بـ 220 جنيها، وهي كان فيها ألف مشترك وأربع آلاف نسب مشاهدة، ده كان الحد الأدني عشان أعرف أكسب منها فلوس علطول عشان اشتراطات اليوتيوب، وسميتها يوميات أنوش، وده كان في شهر فبراير 2022، وكنت بقدم عليها يوميات.
وأردفت: وزي ما قولت الطبخ مكنش بيجيب مشاهدات، فقولت أجذب الناس باليوميات اللي فيها دلع من خلال إن أنا أعمل فيديوهات وأنا بطبخ وأنا بمسح وأنا بغسل غسيل وبغسل مواعين وبوتوجاز وبكنس وبروق البيت ويكون لابسه جلاليب بيت وبنطلونات بيت واتكلم بطريقة فيها دلع شوية، فالمشاهدات زادت والمشتركين في القناة عندي زادوا، وهي وصلت لخمسين ألف وتسعة وأربعين ألف ونص، وفتحتلي ميزة الانتساب اللي كنت قولت عليها، حتى اتفتحت لمدة شهر.
وتابعت أنوش في أقوالها: أنا فتحت حساب بنكي في بنك مصر فرع الحديقة اليابانية، ومكسبي كانوا حوالي 1800 دولار بس طبعا ربحي فيهم كان قليل 60% بيروح ليوتيوب والباقي كنت باخده، وأنا كنت بحط صورة تكون لافتة شوية عشان الناس تخش جوه الانتساب وتدفع فلوس فالقناة تكسب، والصورة دي كنت ببقى مبينة فيها رجلي أو وأنا موطية وصدري باين وأنا لبسه هدومي، وهما المفروض بيخشوا على الانتساب، والمحتوى كان بيبقى غالبًا هو هو اللى بره بس الحلقات أطول شوية وبرضوا بتكلم فيها بدلع ولبسه فيها نفس اللبس اللى بيجيب مشاهدات، وده عشان أجمع فلوس.
وتابعت أنوش خلال التحقيقات: مرة كسبت 3 آلاف جنيه ومرة 5 آلاف جنيه ومرة 4 آلاف جنيه ومرة مفيش خالص، ومعرفش الإجمالي اد ايه بالظبط ممكن حوالي 30 ألف جنيه أو أقل، والفلوس دي كانت بتنزلي على حسابي في أي بان اللي مربوط بحسابي في بنك مصر ومربوط بقناتي في اليوتيوب
وأكملت: وعشان أعمل المقاطع دي الأول أنا كنت بصحي الصبح وببقى عارفة أنا هعمل إيه سواء من ترويق الشقة أو غسيل أو طبيخ، وبقوم جايبة الاستاند وأركب فيه التليفون وأبتدى أعمل شغلي بتاع البيت العادي، وأنا لابسه جلاليب البيت وبعدها بصور المقاطع في أماكن مختلفة في البيت بنفس اللبس بيوم كامل وبعد كده يبتدي اقطعهم.